იტალია გახდება ისტორიაში პირველი ქვეყანა, რომელსაც ექვსი გუნდი ეყოლება ჩემპიონთა ლიგაზე, თუ „ატალანტა“ 2023/2024 წლების სეზონს სერია A-ს სატურნირო ცხრილში მეხუთე ადგილზე დაასრულებს.
ეს შესაძლებელი გახდა ევროპა ლიგაზე „ატალანტას“ გამარჯვებისა და 2023/2024 წლების სეზონში იტალიური კლუბების მიერ ევროტურნირებზე მოპოვებული ქულების წყალობით. დღეის მდგომარეობით, ბერგამოელები სერია A-ს სატურნირო ცხრილში მეხუთე ადგილზე დგანან, გასპერინის გუნდს კიდევ ორი თამაში დარჩა ჩასატარებელი. „რომა“ მეექვსე ადგილზეა.
შეგახსენებთ, რომ ევროპა ლიგის 2023/2024 წლების სეზონის ფინალში 22 მაისს „ატალანტამ“ ლევერკუზენის „ბაიერს“ 3:0 მოუგო.
