გიორგი სარდალაშვილმა მსოფლიოს ჩემპიონატის მოგების შემდეგ კომენტარი გააკეთა. როგორც მან თქვა, მეოთხედფინალში, აზერბაიჯანელი თურან ბაირამოვის დამარცხების შემდეგ მიხვდა, რომ ოქროს მედლის მოპოვებისთვისაც მზად იყო.
„თურანთან ბოლო ორი წლის განმავლობაში ორჯერ წავაგე. ვიცოდი, რომ საკუთარი თავისთვისაც უნდა მეჯობნა. ამ გამარჯვებამ ძალა მომცა, ისეთი შეგრძნება მქონდა, მარტო თურანს კი არა, ჩემს თავსაც მოვუგე. იმ მომენტში ვიცოდი, რომ მზად ვიყავი მსოფლიოს ჩემპიონის ტიტულისთვის.
ზაგრებში, ევროპის ჩემპიონატი გამოვტოვე, რათა კონცენტრირება მთლიანად პარიზის ოლიმპიურ თამაშებზე მომეხდინა, მსოფლიოს ჩემპიონატი მხოლოდ შუალედური გაჩერება იყო“, - თქვა სარდალაშვილმა.
შეგახსენებთ, რომ გიორგი სარდალაშვილი ყველაზე ახალგაზრდა მსოფლიოს ჩემპიონია ძიუდოში საქართველოს ისტორიაში. მან მსოფლიოს ჩემპიონატზე უკვე ორი მედალი აქვს, რადგან შარშან ბრინჯაო მოიპოვა.
