NBA-ს მერვედფინალურ სერიაში „ორლანდო მეჯიქმა“ „კლივლენდ კავალიერსთან“ ჩამორჩენა შეამცირა.
სერიის მესამე შეხვედრა ორლანდოელებმა შინ 121:83 მოიგეს. მასპინძლები მთელი მატჩის განმავლობაში დომინირებდნენ და მოგება არ გასჭირვებიათ.
საუკეთესო პაოლო ბანკერო იყო, რომელმაც 29 წუთში 31 ქულა, 14 მოხსნა და 5 პასი დააგროვა, ხოლო ფრანც ვაგნერის აქტივში 16 ქულა, 5 მოხსნა და 8 პასი აღმოჩნდა.
გოგა ბითაძეს თამაშის შესაძლებლობა მხოლოდ 5 წუთით მიეცა, მან კი, გუნდს 3 მოხსნა და 1 პასი შესძინა.
სერიაში წინ ისევ „კლივლენდია“ (2:1), მეოთხე მატჩი კი, 27 აპრილს, ორლანდოში გაიმართება.
