„სან ანტონიოს“ კალათბურთელმა სანდრო მამუკელაშვილმა „ნიუ ორლეანთან“ სეზონის საუკეთესო თამაში ჩაატარა და 15 ქულა მიითვალა.
მატჩის შემდეგ ქართველმა კალათბურთელმა პრესკონფერენციაზე ისაუბრა.
„ძალიან კარგი გრძნობაა. ჩვენ ყველა მზად ვიყავით ამ შანსისთვის და ვფიქრობ, რომ შრომა ფასდება. მთავარია, გწამდეს და მუშაობდე შენი შანსისთვის, რათა ის გამოიყენო, როცა მოედანზე გახვალ.
ვემბანიამა საოცრად მაღალ დონეზე თამაშობს. მეტოქის მცველები მისთვის მუდმივად ცდილობენ დისკომფორტის შექმნას. ის არ არის ეგოისტი მოთამაშე და მოსწონს პასის გაკეთებაც. მასთან ერთად თამაში სასიამოვნოა.
მომწონს აქ თამაში და ამ ბიჭებთან ერთად მუშაობა. მიხარია, რომ მოედანზე გასვლის შანსი მომეცა. ყველას ვაჩვენებ, რომ ყოველთვის მზად ვარ. მიყვარს გუნდური თამაში და მათთან მოედანს მიღმაც კარგი ურთიერთობა მაქვს“, - თქვა სანდრომ.
