ავსტრალიის ღია პირველობაზე ნოვაკ ჯოკოვიჩის უძლეველი სერია დასრულდა. სერბ ჩოგბურთელს ნახევარფინალში იანიკ სინერმა აჯობა და ფინალს მიღმა დატოვა.
იტალიელმა ჩოგბურთელმა თავიდანვე მაგრად დაიწყო და ორი სეტი ნოლეს უშანსოდ, 6:1, 6:2 მოუგო. მესამე სეტში ნოვაკმა იბრძოლა და გაჭირვებით, მაგრამ მაინც ტაი ბრეიკზე მოიგო, რითაც შანსი შეინარჩუნა, მაგრამ ნათელი იყო, რომ ეს დღე სინერის იყო, რომელმაც მეოთხე სეტიც პრობლემების გარეშე მოიგო (6:3) და ფინალში გავიდა.
საბოლოოდ, იანის სინერმა ჯოკოვიჩს 6:1, 6:2, 6:7, 6:3 აჯობა და კარიერაში პირველად გავიდა დიდი სლემის ტურნირის ფინალში.
ნოვაკ ჯოკოვიჩის 33-მატჩიანი მოგებების სერია ავსტრალიის ღია პირველობაზე დასრულებულია!
