იტალიელმა მწვრთნელმა ანდრეა სტრამაჩონიმ „ნაპოლის“ შესახებ ისაუბრა. მან მისი აზრი დააფიქსირა კლუბის კრიზისზე და აურელიო დე ლაურენტისს მაღალი დონის ნახევარმცველის შეძენა ურჩია.
„კვარაცხელია მშვიდად ვეღარ თამაშობს, ოსიმენს ყოველთვის 4-5 ფეხბურთელი ჰყავს გარშემო. ამიტომ, „ნაპოლიმ“ სხვა გამოსავალი უნდა მოძებნოს, დე ლაურენტისი სატრანსფერო ბაზარზე ჩაერიოს. მაგალითად, „იუვე“ გატის დახმარებით სტანდარტულებიდან გოლებს იტანს. ჩემი აზრით, „ნაპოლიმ“ სტანდარტულ მდგომარეობებზე ბევრი უნდა იმუშაოს და იყიდოს ნახევარმცველი, რომელიც სეზონში 5-10 გოლს გაიტანს. „ნაპოლის“ იმ წყაროებს, რომლებმაც გუნდს სკუდეტო მოაგებინეს, ახლა ყველა აკავებს, მაგრამ კრიზისის ნიშნები გასული სეზონის ბოლოს, სპალეტის დროსაც შეინიშნებოდა“, - თქვა სტრამაჩონიმ.
შეგახსენებთ, რომ „ნაპოლი“ უახლოეს მატჩს 29 დეკემბერს, საკუთარ მოედანზე „მონცასთან“ ჩაატარებს.
