ესპანეთის ნაკრების მთავარმა მწვრთნელმა ლუის დე ლა ფუენტემ საქართველოსთან მატჩის (3:1) შემდეგ პრესკონფერენციაზე ისაუბრა.

თუმცა, ესპანელმა სპეციალისტმა ძირითადად გავის ტრავმა ისაუბრა, რომლისთვის სავარაუდოდ, სეზონი დასრულდა და ევროპის ჩემპიონატზეც ვერ ითამაშებს.

„მესმის ყველაფერი, რადგან ეს მძიმე და რთული მომენტია გავისთვის, „ბარსელონასთვის“ და ასევე ეროვნული ნაკრებისთვის. განადგურებულები ვარ და გასახდელში ისეთი ატმოსფერო იყო, თითქოს წავაგეთ. ფეხბურთში რისკი ყოველთვისაა და ტრავმებისგან თავის არიდება შეუძლებელია. ეს ტრავმა არ იყო დარტყმის გამო, უბრალოდ ფეხი არასწორად დადგა და მუხლის დაზიანება მიიღო. სამწუხაროა. ეს ჩემს კარიერაში ყველაზე მწარე გამარჯვებაა.

ვინ შეცვლის მას ევროპის ჩემპიონატზე? ახლა ამაზე არ ვფიქრობ, მხოლოდ ფეხბურთელის ჯანმრთელობაზე ვფიქრობ და ეს მაწუხებს. ვნახოთ ხვალ ტესტების პასუხები, მაგრამ მცირე შანსია იმის, რომ ტრავმა იმაზე ნაკლებად სერიოზული იყოს, ვიდრე ჩანს“, - აღნიშნა დე ლა ფუენტემ.

შეგახსენებთ, რომ საქართველოს ნაკრებმა ევროპის ჩემპიონატის საკვალიფიკაციო ეტაპი A ჯგუფში 8 ქულით მეოთხე ადგილზე დაასრულა.მომდევნო მატჩს კი, ევრო 2024-ის პლეი-ოფის ნახევარფინალში 21 მარტს ჩაატარებს, მეტოქე ლუქსემბურგის ან აზერბაიჯანის ნაკრები იქნება.