ლეგენდარული ამერიკული ჯგუფის The Eagles-ის ერთ-ერთი დამფუძნებელი რენდი მეისნერი გარდაიცვალა. ინფორმაცია ამის შესახებ ჯგუფის ვებგვერდზე გამოქვეყნდა.
მეისნერის გარდაცვალების მიზეზი ფილტვების ქრონიკული დაავადებით გამოწვეული პრობლემები გახდა. მუსიკოსი 77 წლის იყო.
მეისნერმა The Eagles-ი 1971 წელს, დონ ჰენლისთან, გლენ ფრაისთან და ბერნი ლიდონთან ერთად დააფუძნა. ის ჯგუფის ისეთი ცნობილი ალბომების ჩაწერაში მონაწილეობდა, როგორებიცაა Desperado, On The Border, One of These Nights და Hotel California.
1977 წელს მეისნერმა ჯგუფი დატოვა და რამდენიმე სოლო ალბომი გამოუშვა. 1998 წელს ჯგუფთან ერთად როკ-ენ-როლის დიდების დარბაზში შეიყვანეს.
