მსახიობ კიანუ რივზის როკ-ჯგუფმა Dogstar ახალი სიმღერა Everything Turns Around და მასზე გადაღებული ვიდეორგოლი გამოუშვა. ტრეკი ჯგუფის ახალ ალბობში შევა, რომელიც ოქტომბერში გამოვა და ტრიოს პირველი ჩანაწერი იქნება ბოლო 23 წლის განმავლობაში. Dogstar-ის წევრები რივზის გარდა რობერტ მეილჰაუსი და ბრეტ დომროუზი არიან.
ჯგუფი Dogstar-ი ლოს-ანჯელესში, 1990-იანი წლების დასაწყისში ჩამოყალიბდა, რივზისა და რობერტ მეილჰაუსის სუპერმარკეტში შემთხვევით შეხვედრის შემდეგ. მოგვიანებით დუეტს გრეგ მილერი შეუერთდა, თუმცა ის ბრეტ დომროუზმა შეცვალა.
ჯგუფი 2002 წელს დაიშალა, თუმცა 20 წლის შემდეგ ტრიოს წევრებმა სცენაზე დაბრუნება გადაწყვიტეს.
