ამერიკული სატელევიზიო პრემია Emmy-ს წლევანდელი ნომინანტების სია ცნობილია. ამის შესახებ CNN-ი იტყობინება.

ტელეარხის ცნობით, ყველაზე მეტი ნომინაცია - 27 სერიალმა „მემკვიდრეები“ მიიღო. ლიდერთა შორის ასევე არიან: „უკანასკნელი ჩვენგანი“ (24), „თეთრი ლოტოსი“ (24), „ტედ ლასო“ (21).

საუკეთესო დრამატული სერიალის წოდებისთვის იბრძვიან: „ანდორი“, „უმჯობესია დაურეკოთ სოლს“, „გვირგვინი“, „დრაკონის სახლი“, „უკანასკნელი ჩვენგანი“, „მემკვიდრეები“, „თეთრი ლოტოსი“, „ბზიკები“.

წლის საუკეთესო მინი-სერიალის წოდებისთვის იბრძოლებენ: „დაპირისპირება“, „მონსტრი - ჯეფრი დამერის ისტორია“, „დეიზი ჯონსი და the Six“, „ფლეიშმანის გასაჭირი“, „ობი ვან კენობი“.

ნომინაციაში „დრამატული სერიალის საუკეთესო მსახიობი კაცი“ წარმოდგენილები არიან: ჯეფ ბრიჯესი („მოხუცი“), ბრაიან კოქსი („მემკვიდრეები“), კირან კალკინი (მემკვიდრეები), ჯერემი სტრონი („მემკვიდრეები“), ბობ ოდენკიორკი („უმჯობესია დაურეკოთ სოლს“), პედრო პასკალი („უკანასკნელი ჩვენგანი“).

საუკეთესო ქალი მსახიობის წოდების დრამატულ სერიალში კი იბრძვიან: შერონ ჰორგანი („დებ გარვების შეთქმულება“), მელანი ლინსკი („ბზიკები“), ელიზაბეტ მოსი („მხევლის ნაამბობი“), ბელა რემზი („უკანასკნელი ჩვენგანი“), კერი რასელი („დიპლომატი“), სარა სნუკი („მემკვიდრეები“).

Emmy-ს 2023 წლის დაჯილდოების ცერემონია 19 სექტემბერს გაიმართება.