გერმანიაში მცხოვრები ქართველი მწერლის, ნინო ხარატიშვილის რომანის, „მერვე სიცოცხლე (ბრილკას)" მიხედვით სერიალს გადაიღებენ. ამის შესახებ Hollywood Reporter-ი წერს.
გამოცემის ცნობით, წიგნის სატელევიზიო ვერსიაზე „ოსკარისა“ და „ემის“ მფლობელი პროდუსერები იმუშავებენ.
„მერვე სიცოცხლე (ბრილკას)" ერთი ოჯახის საგაა. რომანი 2014 წელს გამოვიდა გერმანულ ენაზე. ამ წიგნისთვის ნინო ხარატიშვილმა 2018 წელს გერმანიაში პრესტიჟული ლიტერატურული ჯილდო, ბერტოლ ბრეხტის პრემია მიიღო. 2020 წელს რომანი ბუკერის პრემიის გრძელ სიაში მოხვდა.
