კევინ სპეისი ლონდონის სასამართლოში მივიდა. ამის შესახებ ინფორმაციას the guardian ავრცელებს.
ოსკაროსან მსახიობს სექსუალური ძალადობის ფაქტებზე 10-ზე მეტი ბრალი აქვს წარდგენილი.
საქმე ეხება 2001 წლიდან 2013 წლამდე 4 სხვადასხვა მამაკაცთან მომხდარ შემთხვევას. კევინ სპეისის წინააღმდეგ ბრალდებები გულისხმობს როგორც სექსუალურ შევიწროებასა და ძალადობას, ასევე სქესობრივი აქტის იძულებას.
დღეს ლონდონის სასამართლოში საქმის განსახილველად ნაფიც მსაჯულთა შერჩევა დაიწყება, სასამართლო პროცესი კი 1 თვე გაგრძელდება.
