მომღერალ აჩიკო მეფარიძის საქმეზე სასამართლო პროცესი გაიმართა. სხდომას მეფარიძე ესწრებოდა. დღეს დაცვის მხარემ შესავალი სიტყვა თქვა. დაკითხეს ბრალდების მხარის მოწმე. პროკურატურა მეფარიძეს ლელა ჯუღელის მიმართ განხორციელებულ ძალადობასა და მუქარას ედავება, მომღერალი კი ბრალს არ აღიარებს. მომდევნო პროცესი პირველ ივნისს გაიმართება.

„საქმეში არის საკმარისი მტკიცებულებები, როგორც მოწმეების მიერ მოწოდებული ინფორმაციები, ასევე როგორც აღვნიშნეთ არაერთხელ, ვიდეოჩანაწერები, რომელიც არის ყველაზე ობიექტური მტკიცებულება, არის ასახული გარემოებები, თუ რა ქმედებებს აქვს ადგილი არჩილ მეფარიძის მიმართ. რა თქმა უნდა, მნიშვნელოვანია სამედიცინო ექსპერტიზის დასკვნაც. ბრალდების მხარე დარწმუნებულია, რომ გამოტანილი იქნება გამამტყუნებელი განაჩენი“, - განაცხადა საქმის პროკურორმა თამარ ყულჯანიშვილმა.

არჩილ მეფარიძის ადვოკატის ლევან ზაქრაძის განცხადებით, მოლოდინი აქვს, რომ მისი დაცვის ქვეშ მყოფი გამართლდება.

საქ­მე ეხე­ბა 2022 წლის 7 აპ­რილს, ვა­კე­ში მომ­ხდარ ფაქტს. მომ­ღე­რალს ძა­ლა­დო­ბა­ში ქალ­ბა­ტო­ნი ადანა­შა­უ­ლებს, რო­მე­ლიც ჰყვე­ბა, რომ მან­ქა­ნის გა­დას­წრე­ბის გამო მე­ფა­რი­ძემ მას სი­ტყვი­ე­რი და ფიზი­კუ­რი შე­უ­რა­ცხყო­ფა მი­ა­ყე­ნა. მისი თქმით, მე­ფა­რი­ძემ ჯერ მან­ქა­ნას წიხ­ლი და­არ­ტყა, შემ­დეგ კარი გა­ა­ღო და მას თავს და­ეს­ხა. მე­ფა­რი­ძეს ბრა­ლი სის­ხლის სა­მარ­თლის კო­დექ­სის 126-ე, ძა­ლა­დობის მუხ­ლით წა­რედ­გი­ნა.