2023 წელს ფიფამ სანაკრებო რეიტინგი პირველად გამოაქვეყნა, რომლის მიხედვით საქართველოს ნაკრები ერთი პოზიციით დაწინაურდა.

ვილი სანიოლის გუნდმა თუ წინა წელი რეიტინგში 78-ე ადგილზე დაასრულა, ამჟამად 77-ე საფეხურზეა. „ჯვაროსნებმა“ ისრაელის ნაკრებს გადაასწრეს.

საქართველოს ნაკრებმა მონღოლეთთან (6:1) და ნორვეგიასთან (1:1) მატჩების შემდეგ 5.53 სარეიტინგო ქულა მიიღო, რაც ერთი პოზიციით წინსვლისთვის გამოდგა საკმარისი.

...74. უზბეკეთი - 1318.36 ქულა

75. ელ სალვადორი - 1318.3

76. ბულგარეთი - 1315.74

77. საქართველო - 1311.51

78. ისრაელი - 1307.41

79. გვინეა - 1305.92

80. ჰონდურასი - 1300.38

ევრო 2024-ის შესარჩევი ეტაპის ჯგუფში საქართველოს ნაკრების მეტოქეებს რაც შეეხება: ესპანეთის ნაკრები რეიტინგში მე-10, შოტლანდიის ნაკრები 36-ე, ნორვეგიის ნაკრები 44-ე და კვიპროსის ნაკრები 111-ე ადგილზეა.

მოწინავე ათეულში სამი ცვლილება მოხდა და სამივე საუკეთესო სამეულს შეეხო. ყოფილი ლიდერი ბრაზილია ერთბაშად ორი პოზიციით დაქვეითდა და ამჟამად მესამე ადგილზეა. სამაგიეროდ, რეიტინგს სათავეში ჩაუდგა მსოფლიოს ჩემპიონი არგენტინა, ხოლო ვიცე-ჩემპიონი საფრანგეთის ნაკრები მეორე პოზიციაზე გადავიდა.

1. არგენტინა - 1840.93 ქულა

2. საფრანგეთი - 1838.45

3. ბრაზილია - 1834.21

4. ბელგია - 1792.53

5. ინგლისი - 1792.43

6. ნიდერლანდები - 1731.23

7. ხორვატია - 1730.02

8. იტალია - 1713.66

9. პორტუგალია - 1707.22

10. ესპანეთი - 1682.85