დიდი ბრიტანეთის სამეფო ზარაფხანამ ჰოგვორტსის მაგიისა და ჯადოქრობის სკოლის გამოსახულებით მონეტა გამოუშვა. ინფორმაცია ამის შესახებ უწყების ვებგვერდზე გამოქვეყნდა.
მონეტა სხვადასხვა ნომინალშია წარმოდგენილი, მისი ფასი კი მასალის მიხედვით განსხვავდება - ლითონის მონეტა 11 ფუნტი, ოქროსი კი 5 215 ფუნტი ღირს.
ჰოგვორტსის მონეტა ასრულებს „ჰარი პოტერის“ მოტივებზე შექმნილ კოლექციას, რომლის გამოშვებაც 2022 წელს, ჯოან როულინგის წიგნის „ჰარი პოტერი და ფილოსოფიური ქვა“ პირველი გამოცემის 25-წლის იუბილეს აღსანიშნავად დაიწყო. კოლექციის პირველ სამ მონეტაზე ჰარი პოტერი, პროფესორი დამბლდორი და მატარებელი „კინგს-გროსია“ გამოსახული.
