ჩემპიონთა ლიგის განახლებამდე 1 კვირა დარჩა, UEFA-მ კი ოფიციალურ ვებ-გვერდზე „ნაპოლის“ ჯგუფური ეტაპი გამოარჩია და მათ ძლიერ მხარეებზე, მათ შორის ხვიჩა კვარაცხელიაზეც ისაუბრა:
„საიდან დავიწყოთ? „ნაპოლიმ“ ყველა მოლოდინს გადააჭარბა. „ნაპოლი“ საოცრად კარგია, თითქმის სრულყოფილი ჯერ-ჯერობით. მათ გაანადგურეს „ლივერპული“, „რეინჯერსი“ და „აიაქსი“ და ჰქონდათ იტალიური გუნდების მხრიდან საუკეთესო სტარტი ჩემპიონთა ლიგაზე. გარდა ამისა, ისინი ფენომენალურ ფეხბურთს თამაშობენ. ხვიჩა კვარაცხელია, ჯაკომო რასპადორი, ანდრე-ფრანკ ზამბო ანგისა, და პიოტრ ჟელინსკი, ეს იმ რამდენიმე მოთამაშაშის სახელებია, რომლებიც სენსაციურები იყვნენ და მწვრთნელმა სპალეტიმ გუნდი ბრწყინვალე ერთეულად ჩამოაყალიბა. გუნდი მყარი და თავისუფალია დაცვაში სანახაობრივი და ეფექტური კი შეტევაში.“ - წერია სტატიაში
ქართველმა ტალანტმა ჩემპიონთა ლიგაზე 6 მატჩიდან 5-ში მიიღო მონაწილეობა, 2 გოლი გაიტანა და 3 საგოლე გადაცემა შეასრულა, „ნაპოლიმ“ კი ჯგუფური ეტაპი 15 ქულით პირველ ადგილზე დაასრულა და 1/8 ფინალში „აინტრახტს“ დაუპირისპირდება.
