ესპანეთის ლა ლიგის მე-19 ტურში გიორგი მამარდაშვილმა „ვალიადოლიდის“ წინააღმდეგ შესანიშნავი მატჩი ჩაატარა, თუმცა მისი გუნდი მაინც დამარცხდა, რასაც ესპანური მედია გამოეხმაურა.

„ხოსე ზორილიას“ სტადიონზე მამარდაშვილმა საოცრებები ჩაიდინა. „ვალენსიას“ მეკარე სუპერგმირის ფორმაში გამოეწყო რამდენიმე წუთით, განსაკუთრებით მეორე ტაიმში და „ვალიადოლიდის“ ყველა შეტევას უმკლავდებოდა, თუმცა მისი დაცვის არაეფექტურობის გამო მატჩი მისთვის მძიმე შედეგით დასრულდა - 0:1“

„ჩანდა, რომ გიორგისთვის მშვიდი თამაში უნდა ყოფილიყო. „ვალენსია“ მეტოქეზე დომინირებდა და ქართველი საკუთარ სივრცეში მშვიდად იმყოფებოდა, მისი ერთადერთი სადარდებელი თამაშში ბურთის სწორად შეყვანა იყო.“

„მამარდაშვილს სწორედ მეორე ტაიმში მოუწია საკუთარი შესაძლებლობების მაქსიმუმის გამოვლენა და 20 წუთში საკუთარი გუნდი ოთხჯერ გადაარჩინა. მან უკვე ვეღარაფერი გააწყო კაილ ლარინის გოლის დროს, რომელმაც მასპინძლებს 3 ქულა მოუტანა. მამარდაშვილი გიგანტი გახდა, თუმცა „ვალენსიას“ სუსტი დაცვის ფონზე მანაც ვერ აირიდა მარცხი.“ - წერია Superdeporte-ს ვებ-გვერდზე.

ამგვარად, გიორგი მამარდაშვილის „ვალენსია“ წარუმატებელ თამაშს განაგრძობს. ჯენარო გატუზოს გუნდი 20 ქულით მე-14 ადგილზეა, მომდევნო მატჩი კი „რეალ მადრიდთან“, 2 თებერვალს ელის.