საფრანგეთის ნაკრების ყოფილმა ვარსკვლავმა, ემანუელ პეტიმ, ჟურნალისტებს თავისი აზრი გაუზიარა „პარი სენ-ჟერმენის“ ჩემპიონთა ლიგის მერვედფინალიდან გავარდნის შესახებ.
„მას შემდეგ რაც „რეალმა“ ანგარიში გაათანაბრა, პსჟ-ში ყველაფერი დაინგრა. გუნდმა სიმწყობრე და ცივსისხლიანობა დაკარგა. სულ რამდენიმე წუთში ფეხბურთელების ქმედებაში სასოწარკვეთა გამოჩნდა. არადა, საუბარი გამოცდილ და სახელიან მოთამაშეებზეა.
ძალიან გაბრაზებული ვარ, რადგან პროფესიონალები ასე არ იქცევიან“ - ციტირებს პეტის სიტყვებს RMC.
შეგახსენებთ, ჩემპიონთა ლიგის საპასუხო მერვედფინალურ შეხვედრაში მადრიდის „რეალმა“ „პარი სენ-ჟერმენს“ 3:1 მოუგო (პორველი მატჩი 0:1) და ტურნირიდან გამოთიშა.
