ქართველმა სამთო მოთხილამურე სოსო ჯაფარიძემ პეკინში მიმდინარე ზამთრის ოლიმპიურ თამაშებზე სპეციალურ სლალომში იასპარეზა.
ქართველმა მოთხილამურემ პირველი დაშვებისას ტრასის გავლას 1.02,02 წუთი მოანდომა და ფინიშის ხაზი 41-ე შედეგით გადაკვეთა. გაცილებით უკეთ გამოვიდა მეორე დაშვებისას - ტრასა 55.87 წამში გაიარა და 30-ე შედეგი დააფიქსირა. ორი დაშვების ჯამში ჯაფარიძემ წამზომი 1.57,89 წუთზე შეაჩერა და შედეგად 32-ე ადგილი დაიკავა.
დისციპლინაში გამარჯვებული და ოლიმპიური ჩემპიონი კი ფრანგი ნოელ კლემენი გახდა, რომელმაც ჯამში 1:44.09 წამი დააფიქსირა.
