„იუვენტუსის“ 37 წლის მცველი, ჯორჯო კიელინი, ტრავმის გამო გუნდის უახლოეს მატჩებს გამოტოვებს. ის „ფიორენტინასთან“ შეხვედრაში (2:0) დაშავდა - გვამცნობს La Gazzetta dello Sport.
კიელინიმ კუნთი დაიზიანა. ამისდაკვალად, ის 10 თებერვალს იტალიის თასის მეოთხედფინალურ შეხვედრას გამოტოვებს „სასუოლოსთან.“ ასევე არ იქნება სერია A-ს მატჩში „ატალანტას“ წინააღმდეგ 13 თებერვალს.
საეჭვოა მისი მონაწილეობა „ტორინოსთან“ იტალიის ჩემპიონატის (18 თებერვალს) და 22 თებერვალს „ვილიარეალთან“ ჩემპიონთა ლიგის მერვედფინალურ შეხვედრებში.
