სენეგალის ნაკრებმა ფეხბურთში აფრიკის თასი მოიგო. ამის შესახებ BBC წერს.
გამოცემის ინფორმაციით, სენეგალელებმა ფინალში ეგვიპტელები დაამარცხეს. მატჩის ძირითადი დრო ფრედ, ანგარიშით 0-0 დასრულდა. ამიტომ გამარჯვებულის გამოსავლენად 11-მეტრიანების სერია გახდა საჭირო, რომელშიც სენეგალის ფეხბურთელები უკეთესები აღმოჩნდნენ. მათ 4 დარტყმა შეასრულეს ზუსტად, მაშინ როდესაც ეგვიპტელებმა მხოლოდ 2.
სენეგალის ნაკრებმა აფრიკის თასი ისტორიაში პირველად მოიგო, ეგვიპტე კი ტურნირის შვიდგზის გამარჯვებულია, რაც კონტინენტის რეკორდია.
