"ლაიპციგის" ახალი მთავარი მწვრთნელი იტალიელი სპეციალისტი დომენიკო ტედესკო გახდება. აღნიშნულ ინფორმაციას Sky Germany ავრცელებს. ტედესკოს ასისტენტი ანდრეას ჰინკელი იქნება, ხოლო მეკარეთა მწვრთნელი - მაქს ურვანში.
ტედესკო ბოლოს მოსკოვის "სპარტაკს" წვრთნიდა 2019-2021 წლებში, ხოლო რუსულ კლუბამდე "შალკეს" თავკაცი იყო ორი წელიწადი. დომენიკო აღნიშნულ პოსტზე ჯესი მარშს ჩაანაცვლებს, რომელიც გასულ უქმეებზე "უნიონ ბერლინთან" მარცხის შემდეგ გაათავისუფლეს.
