იტალიის სერია A-ში მწვანე მაისურით თამაში იკრძალება. ეს გადაწყვეტილება ძალაში 2022-2023 წლების სეზონიდან შევა და ცნობა ოფიციალურად დადასტურდა.
გადაწყვეტილება სატელევიზიო კომპანიების მოთხოვნით იქნა მიღებული. როგორც ისინი აცხადებენ, მწვანე ფერის მაისური მწვანე მინდორის ფონზე რთულად აღსაქმელია და გამოკვეთილად არ ჩანს.
საინტერესოა, რომ სერია A-ში თამაშობს „სასუოლო“, რომლის ძირითადი და ტრადიციული ფერი მწვანე და შავია, მაგრამ რეგულაციის თანახმად ფერების შეცვლა მოუწევს.
აქვე გეტყვით, რომ ეს შეზღუდვა დამდეგ სეზონში არ გავრცელდება და მხოლოდ 2022 წლის ზაფხულიდან შევა ძალაში.
