იტალიელი სპეციალისტი კარლო ანჩელოტი მადრიდის „რეალის“ მთავარ მწვრთნელად დაინიშნა. ინფორმაციას ამის შესახებ მადრიდის „რეალის“ პრესსამსახური ავრცელებს.
მადრიდის „რეალსა“ და კარლო ანჩელოტის შორის ხელშეკრულება ოფიციალურად 2 ივნისს გაფორმდება.
2013-2015 წლებში კარლო ანჩელოტი მადრიდის „რეალის“ მთავარი მწვრთნელის პოსტს იკავებდა. მადრიდის „რეალთან“ ერთად კარლო ანჩელოტიმ ესპანეთის თასი, ჩემპიონთა ლიგა, უეფას სუპერთასი და ფიფას მსოფლიო საკლუბო ჩემპიონატი მოიგო.
