მილანის „ინტერიდან“ წასულ ანტონიო კონტეს წინადადებები არ აკლია. იტალიური მედიის ინფორმაციით, 51 წლის სპეციალისტით „რეალი“, „ტოტენჰემი“ და „პარი სენ ჟერმენი“ ინტერესდებიან.
კონტე „რეალთან“ და „ტოტენჰემთან“ მოლაპარაკებებს უკვე აწარმოებს, ხოლო პარიზელები მის კანდიდატურას განიხილავენ. საქმე ისაა, რომ პსჟ-ს მაურისიო პოჩეტინო ტოვებს, მიუხედავად იმისა, რომ არგენტინელი გუნდში 5 თვის წინ მივიდა.
„სამეფო კლუბი“ და „მამლები“ უკვე უმწვრთნელოდ არიან და შესაბამისად, აქტიურად ეძებენ ადამიანს, რომელთანაც ერთად ახალ პროექტს დაიწყებენ.
შეგახსენებთ, ანტონიო კონტემ „ინტერი“ ხელმძღვანელობასთან შეუთანხმებლობის შემდეგ დატოვა. მან „ნერაძურის“ ორ სეზონში 1 სკუდეტო მოაგებინა და ეს იყო „ინტერის“ პირველი ტიტული 2011 წლის შემდეგ.
