თუკი ადრე ქართლოს ღარიბაშვილი რემი ვაშაკიძისა და სხვა ბრალდებულთა მანქანების ანგარიშ-ფაქტურების შემოწმებით იყო გართული, დღეს რუსთავის პროკურატურის გამომძიებელი, ზურაბ მატკავა, ღარიბაშვილის ავტომანქანების ჩამონათვალს აზუსტებს.
როგორც წინასწარი გამოძიებისთვის არის ცნობილი, ღარიბაშვილმა თავისი კუთვნილი სამი მანქანიდან ერთ-ერთი, საკმაოდ შელახული „მერსედესი“ საქორწილო საჩუქრად გაიმეტა.
ახალი „ჟიგული“ თვალსა და ხელს შუა ქურდებმა „ააწაპნეს“, ძვირადღირებული ჯიპი კი, რომლითაც იგი დაპატიმრებამდე სარგებლობდა, ერთ-ერთ შეძლებულ კლიენტს მომსახურების საფასურში მიუცია.
რაც შეეხება კლიენტს, მისი ვინაობის დადგენას პროკურატურა აუცილებლად შეეცდება, რომ უფრო სრული წარმოდგენა შეექმნას ღარიბაშვილის კორპორაციის „იატაკქვეშა“ ბიზნესზე.
