საკალათბურთო „ევროლიგის“ მორიგი ტურის შეხვედრაში თორნიკე შენგელია მოსკოვის „ცსკას“ შემადგენლობაში საუკეთესო იყო, თუმცა მიუხედავად ამის მოსკოვის გუნდი სტამბოლის „ფენერბახჩესთან“ 83:89 დამარცხდა.
საქართველოს ნაკრების კაპიტანმა 24 წუთში 18 ქულა, 2 მოხსნა, 4 შედეგიანი გადაცემა და 1 ჩაჭრა დააგროვა. შენგელიამ შვიდიდან ექვსი ორქულიანი, სამიდან ერთი სამქულიანი და ექვსიდან სამი საჯარიმო გამოიყენა.
„ცსკა“ ევროლიგის სატურნირო ცხრილში 15 მოგებითა და 6 მარცხით პირველ ადგილზეა. მომდევნო შეხვედრას შენგელიას გუნდი 27 იანვარს, ბერლინის „ალბასთან“ გამართავს.
