საქართველოს პრემიერ-მინისტრი გიორგი გახარია ვენაში განხორციელებულ ტერორისტულ თავდასხმას სოციალურ ქსელ „ტვიტერში“ ეხმაურება.

„საქართველო მკაცრად გმობს ვენაში განხორციელებულ საზარელ ტერორისტულ აქტს. ვუსამძიმრებთ ამ საშინელი თავდასხმის მსხვერპლთა ოჯახებს, მეგობრებსა და დაშავებულებს სწრაფ გამოჯანმრთელებას ვუსურვებთ.

ჩვენ ავსტრიელებისა და მთელი მსოფლიოსადმი სოლიდარულები ვართ ტერორიზმის წინააღმდეგ ბრძოლაში“, – წერს საქართველოს პრემიერ-მინისტრი გიორგი გახარია.

ავსტრიის დედაქალაქში სროლების შედეგად 3 მშვიდობიანი მოქალაქე დაიღუპა, 15 კი დაიჭრა. გავრცელებული ინფორმაციით, ბოროტმოქმედებმა ცეცხლი 6 სხვადასხვა ადგილას გახსნეს, მათ შორის ვენის ცენტრში მდებარე სინაგოგასთან.

ქვეყნის კანცლერმა, სებასტიან კურცმა მომხდარს ტერორისტული აქტი უწოდა და ასევე განაცხადა, რომ ერთ-ერთი თავდამსხმელი მოკლულია.