ნიკა ნინუამ საბერძნეთის საფეხბურთო კლუბ „პაოკის" შემადგენლობაში სადებიუტო ბურთი გაიტანა.
21 წლის ნახევარმცველმა ამის გაკეთება ჩემპიონატის მეექვსე ტურში „პანაიტოლიკოსთან" შეხვედრაში მოახერხა. ნინუა მოედანზე 82-ე წუთზე გამოჩნდა და ზუსტად ექვს წუთში ეფექტური საჯარიმო დარტყმით გოლი გაიტანა, შეხვედრა კი მისმა გუნდმა 3:1 მოიგო.
ექვსი ტურის შემდეგ „პაოკი" სუპერლიგაში მეოთხე პოზიციაზეა და ლიდერ „არისს" 4 ქულით ჩამორჩება.
