გიორგი შერმადინი ესპანეთის საკალათბურთო ჩემპიონატის შეხვედრის საუკეთესო მოთამაშედ დასახელდა

გიორგი შერმადინი ესპანეთის საკალათბურთო ჩემპიონატის შეხვედრის საუკეთესო მოთამაშედ დასახელდა

გიორგი შერმადინი ესპანეთის საკალათბურთო ჩემპიონატის შეხვედრის საუკეთესო მოთამაშედ კიდევ ერთხელ დაასახელეს.

მეექვსე ტურში „იბეროსტარ ტენერიფემ“ შერმადინის ყოფილი გუნდი მალაგის „უნიკახა“ 7-ქულიანი სხვაობით, ანგარიშით 86:79 დაამარცხა.

ქართველმა ცენტრმა შეხვედრა 22 ქულით, 7 მოხსნით 3 შედეგიანი გადაცემითა და 1 დაფარებით დაამთავრა. შერმადინმა რვიდან რვა ორქულიანი და შვიდიდან ექვსი საჯარიმო გამოიყენა.

„გრან კანარია“, სადაც ბექა ბურჯანაძე გამოდის, „მონბუსთან“ 75:85 დამარცხდა. ქართველი კალათბურთელის ანგარიშზე 9 ქულა, 2 მოხსნა და 1 შედეგიანი გადაცემაა. ექვსი ტურის შემდეგ ექვსი გამარჯვებით სატურნირო ცხრილს „იბეროსტარ ტენერიფე“ ლიდერობს, „გრან კანარია“ კი ერთი მოგებით და ხუთი წაგებით ბოლო პოზიციაზეა.