არანაირი კვლევა არ გვჭირდება, აბსოლუტურად, ჩემს სუბიექტურ აზრს გეუბნებით, იმხელა მხარდაჭერას ვგრძნობთ მოქალაქეების, - ამის შესახებ საქართველოს პრემიერ-მინისტრმა გიორგი გახარიამ, მთავრობის ადმინისტრაციაში გამართულ ბრიფინგზე, ჟურნალისტების კითხვის საპასუხოდ განაცხადა. პრემიერ-მინისტრმა მწუხარება გამოთქვა იმის გამო, რომ ოპოზიცია, რომელსაც პოლიტიკური აქტივი აღარ აქვს, ისტერიკის და პანიკის დანერგვას ცდილობს.

„მე ახლა დავამთავრე რეგიონალური წარდგენების ციკლი. ბოლო წარდგენა გვქონდა აბაშაში, გუშინ. არანაირი კვლევა არ გვჭირდება, აბსოლუტურად, ჩემს სუბიექტურ აზრს გეუბნებით, იმხელა მხარდაჭერას ვგრძნობთ მოქალაქეების. უბრალოდ არ გვჭირდება. ეს შეგრძნებების დონეზე ჩანს. ერთადერთი სამწუხარო ფაქტი რაც არის, მეც არ მომწონს და რაზეც ხშირად ვსაუბრობდით - ამ ბოლო პერიოდში, იქიდან გამომდინარე, რომ პოლიტიკური აქტივი, სამწუხაროდ, ოპოზიციას საერთოდ გამქრალი აქვს, ხდება ამ ისტერიკის და პანიკის დანერგვა, მაგრამ შეუძლებელია, არ გამოვა ეს ყველაფერი. ერთადერთი, ჩვენ რაც უნდა გავაკეთოთ, ყველამ ერთად, უსაფრთხოდ, დემოკრატიულად და ღიად უნდა ჩავატაროთ არჩევნები“, - აღნიშნა პრემიერმა.

საპარლამენტო არჩევნები საქართველოში 31 ოქოტმბერს ჩატარდება.