კვიპროსის ჩემპიონატის პირველ ტურში თემურ ქეცბაიას „ანორთოსისმა“ საკუთარ მოედანზე 3:1 დაამარცხა „ერმისი“.
თორნიკე ოქრიაშვილმა 51-ე წუთზე საგოლე გადაცემა გააკეთა და კიდევ ერთ საგოლე კომბინაციაში მიიღო მონაწილეობა.
ოქრიაშვილმა და გიორგი ლორიამ შეუცვლელად ითამაშეს. ძირითად შემადგენლობაში იყო ნიკა კაჭარავაც, რომელიც ქეცბაიამ 64-ე წუთზე შეცვალა, მურთაზ დაუშვილი კი მოედანზე 73-ე წუთზე შევიდა.
29 აგვისტოს „ანორთოსისი“ სტუმრად „პაფოსს“ შეხვდება.
