ლონდონის „ჩელსიმ“ ოლივიე ჟირუს კონტრაქტი გაუხანგრძლივა. როგორც „არისტოკრატების“ ვებგვერდი იტყობინება, ფრანგმა ხელშერკულება 2021 წლამდე გააფორმა.
ხელშეკრულებაში დევს პუნქტი, რომ ორივე მხარის სურვილის შემთხვევაში კონტრაქტი ერთი წლით ავტომატურად განახლდება.
„ბედნიერი ვარ, რომ ჩემი თავგადასავალი „ჩელსიში“ გრძელდება. მოუთმენლად ველოდები ჩემს თანაგუნდელებთან ერთად თამაშს და ამ მაისურის ჩაცმას. განსაკუთრებით სავსე „სტემფორდ ბრიჯზე“, ჩვენი გულშემატკივრების წინაშე“, - თქვა ჟირუმ.
შეგახსენებთ, ოლივიე ჟირუ „ჩელსიში“ 2018 წლის ზამთარში გადავიდა და დღემდე ჩატარებულ 76 შეხვედრაში 21 გოლი გაიტანა.
