ანალიტიკოსი სოსო მანჯავიძე სოციალურ ქსელში წერს:

130 პროპორციული და 20 მაჟორიტარიო, რომ იძახიან . ეს 20 მაჟორიტარული ოლქი საერთოდ ახალ რეალობას რომ ქმნის -ეს ვითომ არაფერი.

ასე სწრაფად, ფაცხა-ფუცხით, უნდა შეაკოწიწონ ახალი საარჩევნო ოლქები ამ უპასუხისმგებლო და ისტერიული პოლიტიკუმის ფეხების ბაკუნის შიშით და ამათი მოსყიდული ლობისტების განცხადებების გამო.

დააკვირდით-არავინ არ საუბრობს, რამდენად მისაღები იქნება ასეთი ჭრა -კერვა საქართველოს მოსახლეობისათვის და რა საფრთხეების შემცველია ის.

ამათ წარმოდგენაში ქართველმა ხალხმა მორჩილად უნდა ხვრიპოს ის ბალანდა, რომელსაც ეს არავისგან არჩეული და არავისი ინტერესების გამხმოვანებელი ჯგუფი გადაწყვეტს, პოლიტიკურ პარტიებს რომ ეძახის თავს რატომღაც.

ამისთვის უნდათ სრულად პროპორციული არჩევნები ნულოვანი ბარიერით. დაჯდებიან თბილისში თბილად და რასაც გადაწყვეტენ, ისე იქნება. ხალხი საერთოდ იქნება მოწყვეტილი ხელისუფლებას. შეხებასაც კი ვერ შეძლებს მასთან. არც არასოდეს უფიქრიათ, რომ ლეგიტიმაცია ქართველი ხალხისგან ჰქონდეთ. ლეგიტიმაციას მუდმივად სხვაგან ეძებენ და ისე აერიათ გონება, ღიად ამბობენ ამას. ხალხიც ბატკნის მორჩილებით შესცქერის ამ უნიჭო და უზნეო სანახაობას. მეტიც, ბევრი შეეჩვია და ნორმალურ მოვლენად მიიჩნევს ამას. ძალიან ღრმა ფსკერზე ვართ.