ავიაკატასტროფაში დაღუპული ლეგენდარული სპორტსმენი კობი ბრაიანტი კალათბურთელთა დიდების დარბაზის ფინალისტთა სიაში შეიყვანეს. ამის შესახებ ინფორმაციას Reuters-ი ავრცელებს.
ჯეიმს ნეისმიტის სახელობის დიდების დარბაზში ამერიკის ნაციონალური საკალათბურთო ასოციაციის (NBA) ყველაზე გამოჩენილი და ღვაწლმოსილი სპორტსმენები და მწვრთნელები ირიცხებიან.
41 წლის კობი ბრაიანტი კალიფორნიაში ავიაკატასტროფაში 26 იანვარს დაიღუპა. მასთან ერთად ავიაკატასტროფას კიდევ 8 ადამიანი, მათ შორის კალათბურთელის 13 წლის ქალიშვილი ესსხვერპლა.
29 იანვარს ცნობილი გახდა, რომ ბრაიანტის ვერტმფრენს სასიცოცხლო გამაფრთხილებელი სისტემა არ ჰქონია.
