იტალიის სერია ა-ს მე-17 ტურში „მილანი“ ბერგამოში „ატალანტას“ ეწვია და ბოლო 21 წლის განმავლობაში ყველაზე დიდი ანგარიშით 0:5 დამარცხდა. ინფორმაციას ამის შესახებ BBC ავრცელებს.
ანგარიში ალეხანდრო გომესმა გახსნა, თითო გოლი მარიო პაშალიჩის და ლუის მურიელის ანგარიშზეა, კიდევ ორი გოლი მილანელთა კარში იოსიპ ილიჩიჩმა გაიტანა.
სტეფანო პიოლის შეგირდები სატურნირო ცხრილის მე-10 პოზიციაზე იმყოფებიან და საშობაო არდადეგების დაწყებამდე, შესაძლოა, კიდევ დაქვეითდნენ, თუ „სასუოლო“ ან „ბოლონია“ დღეს თავის მატჩებს მოიგებენ.
ბოლოს ხუთბურთიანი სხვაობით მილანი 1998 წლის მაისში, „რომასთან“ მატჩში დამარცხდა (5:0).
