2019 წლის „დევისის თასის“ ფინალში ესპანეთმა კანადის ნაკრები დაამარცხა. ინფორმაციას ამის შესახებ BBC ავრცელებს.
პირველი ქულა ფინალში ესპანელებს რობერტო ბაუტისტა-აგუტმა მოუტანა, რომელმაც ფელიქს ოჟე-ალიასიმი 7:6, 6:3 დაამარცხა. ფინალის მეორე მატჩში რაფაელ ნადალმა დენის შაპოვალოვს 6:3, 7:6 სძლია.
ეს „დევისის თასზე“ ესპანეთის ჩოგბურთელთა ნაკრებისთვის მეექვსე გამარჯვებაა. ნაკრების ორი წევრი - რაფაელ ნადალი და ფელისიანო ლოპესი ტურნირის ხუთგზის გამარჯვებულები გახდნენ (2004, 2008, 2009, 2011, 2019). მათი სხვა თანაგუნდელების - რობერტო ბაუტისტა-აგუტის, პაბლო კარენო-ბუსტას და მარსელ გრანოლიერსის კარიერაში ეს „დევისის თასზე“ პირველი გამარჯვებაა.
