ბუფონი დელ პიეროს გაუთანაბრდა

ბუფონი დელ პიეროს გაუთანაბრდა

ტურინის „იუვენტუსის“ ლეგენდარული მეკარე ჯანლუიჯი ბუფონი ალესანდრო დელ პიეროს გაუთანაბრდა. საქმე ეხება „ბებერი ქალბატონის“ რიგებში შიდა ჩემპიონატში ჩატარებული მატჩების რაოდენობას (სერია A, სერია B).

ბუფონისთვის „ჯენოასთან“ მატჩი იტალიურ ლიგაში 513-ე გამოდგა და დელ პიეროსაც იგივე შედეგი ჰქონდა 1993-2012 წლებში.

ბუფონმა „იუვეს“ რიგებში სერია A-ში 476, ხოლო სერია B-ში 37 თამაში ჩაატარა, დელ პიერომ კი, სერია A-ში 478 და სერია B-ში 35 მატჩი გამართა. ეს მხოლოდ შიდა ჩემპიონატის სტატისტიკაა, მაგრამ თუ ყველა ტურნირს (იტალიის თასი/სუპერთასი, ევროტურნირები) მივიღებთ მხედველობაში დელ პიერო ბუფონისთვის ჯერაც მიუწვდომელია (705 შეხვედრა 660-ის წინააღმდეგ).

აქვე გეტყვით, რომ ბუფონი ახლოსაა პაოლო მალდინის რეკორდთან სერია A-ში ჩატარებულ მატჩებთან დაკავშირებით. ჯიჯის აქტივში ამჟამად 644 თამაშია, ხოლო პაოლოს რეკორდი 647 მატჩით ეკუთვნის.