ჯანო ანანიძის სადებიუტო გოლის შემდეგ "კრილია სოვეტოვში", ქართველი ფეხბურთელი კლუბის მესვეურებმა შეაქეს.
"კრილიას" დირექტორთა საბჭოს თავმჯდომარემ, ალექსანდრ ფეტისოვმა ახალწვეულების შესახებ კომენტარი გააკეთა.
"ნამდვილად საბრძოლო მატჩი გამოვიდა. კარგია, რომ "კრილიამ" განახლებული შემადგენლობით ერთ გუნდად აჩვენა საკუთარი თავი. როგორც ხედავთ, ახალწვეულებმა უკვე დაიწყეს სატურნირო ცხრილში სიტუაციის გამოსწორება".
"კრილიას" განვითარების დირექტორმა ალექსანდრ შიკუნოვმა კითხვაზე, როგორ მოეწონა ახალწვეულების დებიუტი, უპასუხა:
"როგორც ნახეთ, სამედოვმა პირველი გოლი შექმნა, მთელი მატჩი მაღალ დონეზე ითამაშა; შიშკინმაც კარგად ითამაშა, ჯანომ კი გაიტანა. არანაირი კითხვები, ისინი კვალიფიციური ფეხბურთელები არიან და მათში ეჭვი არ გვეპარებოდა".
მოსკოვის "ლოკომოტივის" ყოფილმა მეკარემ, რუსლან ნიგმატულინმა კი, ჟურნალისტის კითხვაზე, გააკვირვა თუ არა ანანიძისა და სამედოვის კარგმა ფორმამ, აღნიშნა:
"ამ ფეხბურთელებს აქვთ კიდევ დასამტკიცებელი. ისინი რეალური სარგებლის მოტანისთვის ჩამოვიდნენ და საქმეს პირველივე მატჩიდან შეუდგნენ. ლიდერის ფუნქციები შეითავსეს. სამარაში ასეთი ადამიანები ძალიან სასარგებლონი იქნებიან".
