კახა კალაძე ჩვენი გუნდის ფორვარდია, - ამის შესახებ ჟურნალისტებს საპარლამენტო უმრავლესობის ლიდერმა არჩილ თალაკვაძემ განუცხადა.
თალაკვაძის თქმით, თბილისის მერობის კანდიდატს პრემიერ-მინისტრი გიორგი კვირიკაშვილი პოლიტსაბჭოს სხსდომის შემდეგ დაასახელებს.
"ქართული ოცნების" თბილისის მერობის კანდიდატურაზე საბოლოო გადაწყვეტილება მიღებული იქნება პოლიტსაბჭოს სხდომაზე და მას გაახმოვანებს პრემიერ-მინისტრი, ჩვენი გუნდის ლიდერი გიორგი კვირიკაშვილი. რაც შეეხება კახა კალაძეს, ის არის ჩვენი გუნდის ფორვარდი და მისი კანდიდატურის განხილვა ძალიან რეალურია", - განაცხადა არჩილ თალაკვაძემ.
დეპუტატის თქმით, საბოლოო გადაწყვეტილებას ხალხი იღებს, როცა საუკეთესო კანდიდატს აირჩევს.
რაც შეეხება თბილისის მერის არჩევნებში ჟურნალისტ ზაალ უდუმაშვილის შესაძლო მონაწილეობას, თალაკვაძემ აღნიშნულის კომენტირებისგან თავი შეიკავა.
