საქართველოში დღეს საღამოდან ამინდი გაუარესდება და 9 ივნისამდე წვიმაა მოსალოდნელი. როგორც „ინტერპრესნიუსს“ გარემოს ეროვნული სააგენტოდან აცნობეს, დღეს საღამოდან საქართველოში მოსალოდნელია წვიმა და ელჭექი. კერძოდ, ქვეყნის აღმოსავლეთ ნაწილში ზოგან ძლიერი, შესაძლებელია სეტყვა. ელჭექის დროს ზოგან ქარის შკვალური გაძლიერება მოხდება.
აღმოსავლეთ საქართველოს მდინარეებზე შესაძლებელია წყლის დონის მომატება.
