მიხეილ სააკაშვილის, რომელმაც „ნაციონალური მოძრაობა“ შექმნა, არშემდგარი სახელმწიფო ფუნქციონალურ სახელმწიფოდ აქცია, სიმბოლური პოსტიდან გადაყენება არ არის კარგი საქმე, - ამის შესახებ ”ნაციონალური მოძრაობის” წევრმა ნიკა რურუამ ”პალიტრანიუსის” გადაცემაში ”360 გრადუსი” განაცხადა. მისი თქმით, პროცესები რომელიც ”ნაციონალურ მოძრაობაში” მიმდინარეობს, პარტიას ასუსტებს, ხოლო ამ ყველაფრის საწყისი თბილისის ყოფილი მერის, გიგი უგულავას მიერ გამოქვეყნებული ღია წერილია.
”გიგი უგულავასთვისაც მაქვს ეს შეთვლილი, რომ არ ვთვლიდი მის მიერ გამოქვეყნებულ წერილს არც დროულად და არც საჭიროდ. არ ვეთანხმები მის შინაარსს და პათოსს. ეს იყო უდროო და ამან არაჯანსაღი პროცესი დაიწყო, რომელიც ამჟამად ემსახურება ერთი კაცის ინტერესებს. ეს წერილი ემსახურებოდა ერთ რამეს, პარტიისა და სააკაშვილის ერთმანეთთან დაშორებას. ამან გამოიწვია უკურეაქცია და ის პროცესები, რომელიც პარტიას არ აძლიერებს.
გაყოფისკენ გადადგმული ყველა ნაბიჯი მიმაჩნდა და მიმაჩნია შეცდომად, დასუსტებისკენ გადადგმულ ნაბიჯად. ეს არ არის კარგი და პრაგმატული იდეა. როდესაც ადამიანი დევნილია, ადამიანი, ვინც ეს პარტია შექმნა, რომელმაც არშემდგარი სახელმწიფო ფუნქციონალურ სახელმწიფოდ აქცია, ვგულისხმობ მიხეილ სააკაშვილს, მისი გადაყენება სიმბოლური პოსტიდან არ არის კარგი საქმე, არ არის სწორი და არის არაპრაგმატული, რადგან ამით პარტია კი არ ძლიერდება, სუსტდება”, - განაცხადა ნიკა რურუამ.
