ჩინეთის 2016 წლის ძირითად ეკონომიკური მოვლენათა შორის საქართველოსთან „თავისუფალი ვაჭრობის შესახებ“ შეთანხმების ათეულში მოხვდას, დეპუტატი კახა კუჭავა დადებითად აფასებს. პარლამენტის უმრავლესობის წევრის თქმით, ჩინეთის ძირითად ეკონომიკურ მოვლენათა სიაში საქართველოს მე-8 ადგილზე გასვლა, მიანიშნებს, თუ რამდენად მნიშვნელოვანია ქვეყანა ჩინეთისთვის. „თუ გავითვალისწინებთ, რომ ჩინეთის ბაზარი და ეკონომიკა მსოფლიოში ერთ-ერთი ყველაზე დიდია და მის 2016 წლის ეკონომიკურ მოვლენებში საქრთველო ათეულში ხვდება, ხაზს უსვამს, რამდენად მნიშვნელოვანია ჩინეთისთვისაც საქართველოსთან გაფორმებული თავისუფლი ვაჭრობის შესახებ ხელშეკრულება“,- განაცხადა „პირველთან“ საუბარში კუჭავამ. კუჭავას თქმით, ჩინეთთან თავისუფლი ვაჭრობის შესახებ ხელშეკრულების დადებამ, საქართველოდან ექსპორტირებულ პროდუქციათა ზრდა გამოიწვია. „საქართველოს ექსპორტი გაიზარდა და საუბარი არ არის მხოლოდ ღვინოზე, რომელიც 100%-ით არის გაზრდილი. დარწმუნებული ვარ, რომ ეს ციფრები და პროცენტული მაჩვენებლენბი მომავალში კიდევ უფრო მზარდი იქნება“, - განაცხადა კუჭავამ. 2016 წლის ჩინეთის 10 ძირითადი ეკონომიკური მოვლენის სიაში საქართველოსთან „თავისუფალი ვაჭრობის შესახებ“ შეთანხმება მერვე ადგილზე მოხვდა. ჩინეთთან თავისუფალი ვაჭრობის შეთანხმებაზე მოლაპარაკებები ოფიციალურად 2016 წლის 5 ოქტომბერს დასრულდა და მხარეებს შორის მოლაპარაკების დასრულების შესახებ მემორანდუმის გაფორმდა. დარჩენილია მხოლოდ სამართლებრივი პროცედურები, რაც ხელმოწერისთვის არის საჭირო ორივე მხარისთვის. ამ პროცედურების დასრულების შემდეგ, სავარაუდოდ თებერვალ-მარტში ხელშეკრულება მზად იქნება ხელმოსაწერად, რის შემდეგაც ორივე ქვეყნის პარლამენტმა უნდა მოახდინოს დოკუმენტის რატიფიცირება.