თურქეთის ხელისუფლებამ ქვეყნის ერთ-ერთი უმსხვილესი გამოცემის, „ზამანის“ 47 თანამშრომლის დაკავების ორდერი გასცა.
როგორც „ბიბისი“ იტყობინება, ყველა მათგანი აშშ-ში მცხოვრებ მქადაგებელ, ფეთჰულა გიულენთან კავშირშია ეჭვმიტანილი.
თურქეთის სახელმწიფო სააგენტო „ანადოლუს“ ცნობით, ორდერის გაცემის შემდეგ დააკავეს სულ მცირე ერთი ჟურნალისტი - ის „ზამანის“ ყოფილი თანამშრომელი სახინ ალპაია.
ორშაბათს თურქეთში 42 ჟურნალისტის დაკავების ორდერი გასცეს, აქედან 16 დაკითხვის მიზნით დააკავეს.
თურქეთში მომხდარი სამხედრო გადატრიალების მცდელობის შემდეგ ქვეყნის მასშტაბით დააკავეს ან სამსახურიდან დაითხოვეს 60 000-ზე მეტი ადამიანი.
