თბილისში, სამხატვრო აკადემიის შენობაში ხანძარია. როგორც „ინტერპრესნიუსს“ თვითმხილველებმა განუცხადეს, ადგილზე მობილიზებული არიან სახანძრო მანქანები. პატრულის მიერ გადაკეტილია გრიბოედოვის ქუჩა.
საგანგებო სიტუაციების სამსახურის ინფორმაციით კი, ცეცხლი შენობის იატაკზე გაჩნდა. დამწვარია დაახლოებით 15 კვ. მეტრი ფართი. მათივე ცნობით, ხანძარი ჯერჯერობით ლიკვიდირებული არ არის.
