ე.წ. მოდულის შენობასთან გუშინ, ავტოსაგზაო შემთხვევის შედეგად სახელმწიფო უსაფრთხოების სამსახურის რამდენიმე ავტომანქანა დაზიანდა.
როგორც "ინტერპრესნიუსს" თვითმხილველმა აცნობა, გადაჭარბებული სიჩქარით მოძრავი ავტომანქანა, რომელშიც რამდენიმე ახალგაზრდა იჯდა, "მოდულის" შენობასთან გაჩერებულ სუს-ის ავტომანქანებს შეეჯახა. დამტვრეულია 5 ავტომობილი.
შინაგან საქმეთა სამინისტროში კი "ინტერპრესნიუსს" განუცხადეს, რომ ერთმანეთს ორი მსუბუქი ავტომობილი შეეჯახა, რის შედეგადაც ერთ-ერთი მოსრიალდა და "მოდულის" შენობასთან გაჩერებულ სამ ავტომანქანას დაეჯახა. შედეგად მსუბუქი დაზიანებები მიიღო ორმა პირმა, რომლებსაც დახმარება ადგილზე აღმოუჩინეს. დაზიანდა "მოდულთან" გაჩერებული 3 ავტომანქანა. გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც ავტოტრანსპორტის ექსპლუარტაციისა და უსაფრთხოების წესების დარღვევას გულისხმობს.
