უკრაინის პრეზიდენტის, პეტრო პოროშენკოს პრესსამსახურის ვებგვერდზე მიხეილ სააკაშვილის პრემიერად დანიშვნის შესახებ პეტიცია გამოჩნდა. პეტიციის ავტორის აზრით, სააკაშვილს შეუძლია უკრაინაში საჭირო რეფორმების განხორციელება და კორუფციის წინააღმდეგ ბრძოლა.
საქართველოს ექსპრეზიდენტის უკრაინის პრემიერ-მინისტრად დანიშვნის ინიციატივას მხარი ამ დრომდე 1175-მა ადამიანმა დაუჭირა. იმისათვის, რომ ხელისუფლებამ აღნიშნული ინიციატივა განიხილოს, საჭიროა 25 000 ხელმოწერის შეგროვება.
პეტიცია ვებგვერდზე 1-ელ სექტემბერს აიტვირთა და ის 90 დღის განმავლობაში იქნება. მიხეილ სააკაშვილი რამდენიმე თვის წინ უკრაინის პრეზიდენტმა პეტრო პოროშენკომ ოდესის ოლქის გუბერნატორად დანიშნა.
