ტექნიკური მიზეზების გამო, ოკუპირებული აფხაზეთის დე ფაქტო ხელისუფლება, ენგურის ხიდის გავლით, მოქალაქეებისთვის მიმოსვლას დროებით ზღუდავს.
ამის შესახებ დე ფაქტო აფხაზეთის ე.წ. საგარეო საქმეთა სამინისტრო იტყობინება. როგორც მის ვებ-გვერდზე განთავსებულ ინფორმაციაშია ნათქვამი, დამატებითი ცვლლებების შესახებ მოგვიანებით გახდება ცნობილი.
„უცხო ქვეყნის მოქალაქეებს აფხაზეთის რესპუბლიკაში სტუმრობა „ფსოუს“ სასაზღვრო პუნქტის გავლით შეეძლებათ“, - ნათქვამია ოკუპირებული აფხაზეთის ე.წ. საგარეო საქმეთა სამინისტროს განცხადებაში.
უწყების ცნობით, ეს შეზღუდვა არ ეხება საერთაშორისო ორგანიზაციების თანამშრომლებს, რომლებიც აფხაზეთში მუშაობენ.
