მეტროპოლიტენის პრესსამსახურის ინფორმაციით, მეტროს მოძრაობის შეფერხებას ადგილი არ ჰქონია. როგორც მათ "ინტრეპრესნიუსთან" საუბრისას განმარტეს, მეტროს სადგურ "ნაძალადევში" ინსტრუქტორის მოთხოვნით ვაგონი შეიცვალა, რადგან ჰაერს ვერ იღებდა.
"ვაგონი დეპოში გაუშვეს და მოხდა მისი ახლით ჩანაცვლება. ამას მეტროს მოძრაობის შეფერხება არ გამოუწვევია", - აცხადებენ პრესსამსახურში.
თვითმხილველთა განცხადებით კი, მეტროს სადგური "ნაძალადევი" მგზავრებს დაატოვებინეს. გავრცელებული ინფორმაციით, მეტროს მოძრაობის შეფერხების სავარაუდო მიზეზი, მატარებლის კარის დაზიანება გახდა, რასაც თან ძლიერი ხმაური ახლდა და მგზავრებში პანიკა გამოიწვია.
