ქუვეითში გუშინ შიიტურ მეჩეთზე განხორციელებულ თავდასხმაში ეჭვმიტანილი რამდენიმე პირი დააკავეს. "როიტერის" ცნობით, ეჭვმიტანილებს სავარაუდოდ, კავშირი აქვთ იმ თვითმკვლელ ტერორისტთან, რომლემაც თავი აიფეთქა და 27 ადამიანი შეიწირა. თავდასხმის შედეგად დაშავდა 200-ზე მეტი ადამიანი. მომხდარზე პასუხისმგებლობა ე.წ ისლამურმა სახელმწიფომ აიღო.
აფეთქება პარასკევის ლოცვის დროს იმამ სადიქის მეჩეთში მოხდა, რომელიც ერთ-ერთ ხალხმრავალ სალოცავს წარმოადგენს. "ისლამურმა სახელმწიფომ" მსგავსი თავდასხმები ამ დრომდე საუდის არაბეთსა და იემენშიც არაერთხელ განახორციელა.
